UBUMWE: BUJUMBURA MU BURUNDI UMWUZURE WAHITANYE ABASHIKA 50... BIRABABAJE GOSE TUSENGERE UBURUNDI BWACU NA PORE KUBABUZE ABABO

Abantu benshi baguye mu mwuzure i Bujumbura

I Bujumbura mu Burundi umwuzure wahitanye abantu, ukomeretsa n'abandi benshi.

Hari amakuru avuga ko abantu bagera kuri 50 bapfuye.

Ariko umunyamakuru wa BBC muri uwo mujyi aravuga ko bidashoboka gutanga umubare nyawo kubera ko hari imirambo ishobora kuba ikiri munsi y'ibyondo.

Umugabo umwe aravuga ko yapfushije abavandimwe icyenda.

Umunyamakuru wacu i Bujumbura aravuga ko inzu y'uburuhukiro ku bitaro binini yuzuye, kandi ko hari abantu bari kuvurirwa hanze y'ibitaro.

Ayo mazi n'ibyondo byatembye ku misozi iri mu nkengero y'umujyi yasenye umuhanda mugari, amazu menshi, ndetse n'imirima
.

Bujumbura : Umwuzure utewe n’imvura nyinshi umaze guhitana abashika 50 (amakuru agezweho)

Imvura nyinshi yaguye mu Majyaruguru y’Umujyi wa Bujumbura yateye umwuzure muri uwo mujyi, none abagera kuri 51 bamaze kuhasiga ubuzima, abandi bavuye mu bya bo, mu gihe ishami rya Polisi rishinzwe ubutabazi, ingabo na Croix Rouge bakomeje ibikorwa by’ubutabazi.
Amakuru agera ku UMURYANGO, avuga ko imvura yatangiye kugwa mu gicuku ahagana saa sita z’ijoro ry’iki cyumweru rishyira kuwa mbere tariki ya 10 Gashyantare, aho mu rukerera Umujyi wa Bujumbura wari wuzuye amazi, ndetse imihanda igana muri uwo Mujyi inyuze muMajyaruguru ikaba yahise ifungwa.


Bamwe mu baganga mu bikorwa by’ubutabazi ku bakomerekejwe n’ibyo biza byatewe n’imvura

Nk’uko BBC ibitangaza, Gabriel Nizigama Minisitiri ushinzwe w’Umutekano yatangaje ko hamaze kuboneka imirambo y’abantu 51, ariko hakaba hari abandi bataraboneka, bikekwa ko bakiri munsi y’ibikuta by’amazu, uretse ko hari n’abatembanwe n’umuvu.
Iyo mvura n’umwuzure byagize ingaruka ku masosiyete atwara abantu n’ibintu, ahuza u Burundi n’u Rwanda, aho ubu umuhanda wari usanzwe ukoreshwa wamaze guhinduka, ngo bikaba birimo gutera igihombo.
Kanyarwanda Hussein Umukozi wa Volcano Express yatangarije UMURYANGO ko, mu ngendo iyi sosiyete ikora, ivana abantu n’ibintu i Bujumbura ibazana i Kigali cyangwa ibakura i Kigali ibajyana i Bujumbura, ubu bakaba ngo barimo gukoresha umuhanda unyura i Rusizi, aho kunyura I Huye nk’uko bisanzwe.
Hussein yagize ati : “Kuva saa kumi n’ebyri za mu gitondo kuri uyu wa mbere turimo gukoresha umuhanda wa Cyangugu. Nta cyahindutse ku ngendo zacu, n’ubundu turi guhaguruka buri saha kuva saa kumi n’ebyiri kugeza saa sita, ariko biri kudutera igihombo. Gus anta kundi twabigenza.”


Hari umugabo watangarije BBC ko uyu mwuzure wahitanye abantu icyenda (9) mu muryango we

Si ubwa mbere uyu mujyi wa Bujumbura wibasirwa n’umwuzure, kuko Ukwezi kwa Mata kwa buri mwaka gukunda kubamo imvura nyinshi iteza imyuzure ya hato na hato, ariko ukw’uwmaka w’2009 n’ukw’uw’2013 hakaba harabaye imyuzure ikomeye.
Gusa nk’uko amakuru ava i Bujumbura abivuga, uwabaye ubu bwo ukaba urenze kure iyo yose yabanje tuvuze.


Nyuma y’imvura yamaze amasaha 10 igwa, umucyo waje, maze hatangira ibikorwa byo gusukura umujyi wa Bujumbura, ari na ko hakomeza gusakishwa ababuriwe irengero, hanabarurwa ibyangiritse

by blaiton