TURASHOBOYE HAMWE NUMUGWI NGAHA BUJA

Akamagwa "TURASHOBOYE" hamwe n’umugwi The cousins

28JUIN

Umugwi The cousins wifadikanije hamwe n’abandi baririmvyi nka   Yoya,Uncle Crazy,Mkombozi,Emery SUN,Miss Erica,n’abandi,wabateguriye umusi udasanzwe wo kunezererwa hamwe,bise "Picknique show tunaweza" .Iryo jambo "tunaweza" risanzwe risigura "turashoboye"mu kirundi,ryazanywe n’umumenyesha makuru akurikirana hafi ivy’umuziki yitwa Dj Ashanti akorera insamirizi Rema FM,bivanye n’ukuntu abona urwego abaririmvyi bacu bagezeko.

Mu nyuma abaririmvyi atari bake,harimwo abo batunganije ivyo birori,baragiye hamwe,bakubitira kwa BIG Base muri MENYA Media studio,bashira ico ciyumviro mu mudiho,basohora indirimbo "Tunaweza".Amatwi adusumira ngo bazoca baboneraho akaryo ko gukora amasanamu y’iyo ndirimbo.Amatwi adusumira,ngo hazoba hishikiye n’abandi bantu bamenyekana mu bindi bice.

Ivyo birori bizobera kuri KARERA Beach,uwifuza naho kwifatanya nabo ariha intererano y’amafaranga 20.000fbu k’umuntu umwe,hamwe n’amafaranga 30.000fbu k’uwurikumwe n’urubavu rwiwe(couple).Mwomenya ko bizoba ?

                                  TWANDIKIRE  IVYIPFUZO VYANYU